Oskar Hernandez naiz, “Mikroinformatika Sistemak eta Sareak” zikloko ikaslea eta praktikak egiten ari naiz Konpon PC deituriko enpresan (Bermeo).
Han ibili naiz, otsailaren 28tik maiatzaren 24ra arte erdi mailako graduan ikasitakoa praktikan jartzeko eta hurbiletik ezagutzeko enpresa mundua.
Nire eginkizunak askotarikoak izan dira baina gehien egin dudana portatilak konpontzea izan da eta hauen disko gogorrak aldatzea (disko mekanikoa kendu SSD bat jartzeko) eta formateatzea, .
Baina lan hauekin batera, monitoreak aldatu AP sarbideak jarri ditut, sarearekin lotutako arazoak konpondu ditut, sarea jarri etxe batean. Periferikoak konfiguratu, aldatu eta konpondu ditut (inprimagailuak, kamerak).
Esan behar dut oso esperientzia aberasgarria izan dela. Asko ikasi dut nire tutoreengatik , ez bakarrik lanbideari dagokionez, zeren eta tutoreak ederto portatu dira nirekin eta oso ondo tratatu naute. Gainera, bezeroekin harremanak izan ditudanez, jende asko ezagutu dut eta konturatu naiz jendearekin zuzenean lan egitea gustatzen zaidala.
Ondorioz, esan behar dut praktika hauek nire formakuntzarako aukera ezinhobea izan dela.